Dui ghjorni nanzu à l’8esimu scontru di Domino’s Ligue 2 contru à Le Mans, Olivier Pantaloni ci dici ciò ch’ellu aspetta di i so ghjucadori ch’ani da circà à piglià i trè punti.
Dopu à u risultatu à paru in casa contru à Orléans (0-0), comu vi sintiti nanzu à ‘ssu scontru annantu à u tarrenu di Le Mans ?
Vennari scorsu, pensu chì no semu passati accantu à una vittoria cù una grossa occasioni chì c’avaria permissu di vincia. Ci dispiaci, quissa hè sicura ma m’avvecu chì i ghjucadori sò cuscenti di i nostri capacità è di i sbagli ch’ellu ùn ci vò più à fà.
Chì hè chì pudaria permetta à a squadra di fà megliu è di piglià i trè punti ?
Dipoi u principiu di a staghjoni, pigliemu i punti quandì no semu viramenti boni in difesa. Avà ci tocca à cuntinuà stu travagliu daretu fendu a leia cù a putenza d’attaccu chì no t’emu quist’annu.
Chì ci hà da vulè à fà pà vincia stu vennari à u MMArena ?
A sapemu chì Le Mans chì t’hà i guai à avanzà t’hà viramenti a vulintà di rinfurzassi è di piglià i punti. Ci hà da vulè à essa assai serii è à essa riattivi da u principiu à a fini di a partita contru à una squadra chì hà da circà à riagiscia contru à noi.
