U Centru

Incù l’accordu di u Ministeru di a Ghjuventù è di i Sports, u centru di furmazioni di l’AC Aiacciu t’hà trè primuri : i prugressi spurtivi, a qualità di u ricrutamentu è di l’insignamentu. Accantu à l’imparera di i tecnichi di ghjocu, u centru vò dà à i so ghjovani una scularità chì cunvinissi à u nivellu d’ognunu pà sbuccà annantu à un diplomu.
Pà u più, l’intrinamenti di i ghjovani di u centru si facini annantu à i trè tarreni sintetichi di u Stadiu François Coty è u so alloghju si trova à u Centru di u Sport è di a Ghjuventù di a Corsica.

UN CENTRU DI FURMAZIONI DI TRINCA

ACCUMPAGNAMENTU ADATTATU È ARNESI DI QUALITÀ

Andy Delort, Jean-Baptiste Pierazzi, Claude Gonçalves, Benjamin André, Pape Cissé: sò numarosi i ghjucadori prufiziunali à sorta da u centru di furmazioni di l’ACA. I sculari poni suvità i corsi di a Scola privata di l’ACA, chì vani da i scoli di liceu incù Prima è Terminali STMG (Scenzi di i Tecnichi di u Management è di a Gistioni) fin’è i studii superiori incù u BTS MUC (Management di l’Unità Cumirciali). Sti ghjovani prufittani d’un accumpagnamentu seriu di a squadra di l’insignanti. A Scola privata hè gistita da u so dirittori Joseph Leandri è da Francescu Lanfranchi chì n’hè u rispunsevuli pidagogicu. Sò vinti i prufissori à dà i corsi privisti in tutti i filieri.   

Una furmazioni in li più belli cundizioni

À u CSJ di Corsica induv’elli stani i ghjovani, ci hè deci stanzi doppii incù una sala di bagnu è un scagnu pà travaglià. L’orarii di scola sò scelti pà permettali d’intrinassi cù u spiritu libaru.
Incù l’aiutu di u so educatori, ognunu impara à sviluppà i so qualità tecnichi in lu ghjocu.
Sala di ripastu, stanzi, infirmaria, spaziu midicali, pezza pà scambiassi : ci hè dinò una grandi sala di musculazioni. Tuttu u so travagliu hè direttu da u priparatori fisicu. Ci hè ancu un duttori chì hè quì pà curalli.

RICRUTAMENTU – CENTRU DI FURMAZIONI – CUNTATTI

- Rispunsevuli: Sébastien Bannier
sbannier@ac-ajaccio.corsica

- Amministratori Corsica: Cyril Vannucci
cyril.vannucci@ac-ajaccio.corsica

- Amministratori Sud-Est: Pascal Massa
06.24.99.19.27 - recrutementaca@outlook.fr

- Amministratori Parighji Ile-de-France: Jean-Patrick Richelot è Jean-Louis Mendes
06.23.84.09.72 - jpat972@hotmail.com

Nous contacter

 
Newsletter