Dui ghjorni nanzi à una partita impurtantissima pà u mantinimentu, Olivier Pantaloni ci dici ciò ch'ellu aspetta di i so ghjucadori vennari sera contru à Clermont.
Chì sò stati i vostri parolli à i ghjucadori dopu à a disfatta in casa (1-2) contru à Grenoble ?
Vogliu chì i ghjucadori pigliessini cuscenza di a situazioni chì hè di più in più cumplicata ancu sì no t’emu sempri u nostru distinu in mani. Duranti l’ultimi partiti, ùn pariamu micca una squadra chì ghjucava u mantinimentu. T’emu bisognu d’essa più serii mittendu assai di più forza in lu nostru ghjocu. Eccu ciò chì c’hà da vulè à fà pà pudè spirà calcosa contru à Clermont.
Ghjustappuntu : comu l’apprunteti ‘ssu scontru di vennari in Clermont ?
Ùn semu forti cà quandì no travagliemu insemi. Ùn hè micca statu u casu dopu à avè marcatu contru à Grenoble, ciò chì l’hà lacatu assai spaziu pà sviluppà u so ghjocu. Vennari chì veni, ghjuchemu contru à una squadra chì t’hà assai qualità tecnichi è sì no i lachemu ghjucà senza difenda tutti insemi, andemu di sicuru versu un’antra scunfitta.
Chì c’hà da vulè à fà pà salvassi u più prestu pussibuli ?
T’emu a furtuna d’avè sempri calchì puntu in più cà i squadri chì sò daretu à noi. Ci vò solu à cuncintrassi annantu à u prossimu scontru contru à Clermont senza pinsà à tuttu u restu. Tandu, ci tocca à andà culà incù a vulintà di vincia.
