IMPAZIENTI DI MARCÀ!
Pà rivena in corti parolli annantu à l’ultima vittoria in casa (3 à 2 contru à Le Havre) si pò dì ch’ellu hà fattu prò à tutta a squadra?
Hè sicura chì d’avè vintu dui volti di fila in casa ùn pò essa cà bè. Avà, sì no fighjulemu i capacità chì no t’emu, pensu chì no ùn semu manc’appena à a nostra piazza. Ci sò stati dinò i difficultà à u nivellu fisicu, ancu pà mè chì ùn pensu micca d’avè datu tuttu ciò ch’e pudiu dà ma incù a cunfidenza, u travagliu è a vulintà, sò sicuru ch’ella hà da vena.
Aspetti ghjustappuntu a gioia di u to prima but?
Ùn ni possu più ! Aghju da scimiscia ! Sicura ch’aspettu ‘ssu prima but ma ùn m’inchietu micca : a sò ch’ella hà da vena è ch’una volta chì n’avaraghju missu unu, n’aghju da marcà parechji. Ùn mi facciu micca u pinseri pà st’affari.
Hè un pocu com’è a squadra : si sò visti i so capacità ma ci hè vulsutu un mesi pà ch’ella ripartissi. Hà da essa cusì ancu par tè?
Trovu chì a squadra hè assai megliu chè à u principiu di a staghjoni chì t’aviamu di i guai à avè l’occasioni, à custruiscia u ghjocu è à andà in davanti. L’aghju vista quand’aghju cuminciatu à ghjucà. Và megliu oghji chì semu più forti davanti, l’attaccanti si mettini à marcà è spergu ch’ella hà da vena ancu par mè.
TENA SEMPRI A LISTESSA FORZA
Si pensa par isempiu à l’ultimu scontru fora contru à u Red Star cù assai occasioni ma senza marcà è chì a squadra miritava megliu cà cusì?
Semu stati dillusi di u risultatu contru à u Red Star parchì pensu chì no eramu belli più forti chè elli, hè vera chì ci hà mancatu u rialisimu ma anc’assai chì no semu riisciuti à marcà trè buts contru à Le Havre.
Vennari sera, ghjucheti contru à Châteauroux in casa soia : vi seti intarissatu un pocu à ‘ssa squadra?
Pensu chì no t’emu a nostra manera di ghjucà. Dopu, pensu chì in lu ballò, ci vò à pinsà più à noi chè à l’altra squadra. Ci vò à tena a listessa forza chè contru à Le Habre è circà à rivena incù trè punti.
A squadra hà mustratu i so veri qualità quì in casa, eti da pruvà à fà listessu fora avà? Sicura!
Sì no cuntinuemu cusì incù una vittoria contru à Châteauroux, saremu vicinu vicinu à a prima parti di a classifica !
