Sta simana, u ghjovanu attaccanti di 20 anni hà signatu u so prima cuntrattu prufiziunali cù u prisidenti Christian Leca. Mounaïm chì hà dighjà marcatu trè volti dipoi u principiu di a staghjoni hà sappiutu prufittà d’ogni siconda annantu à u tarrenu da fassi valè com’ellu a ci dici l’intrinadori Olivier Pantaloni : « Hè un ghjovanu ghjucadori chì no emu presu in lu gruppu in rinforzu. U so cuntrattu prufiziunali hè andatu à circallu da par ellu cù u travagliu è i so belli partiti. N’hà dighjà missu trè in lu mondu prufiziunali, hà fattu assai prugressi è sò cunvintu ch’ellu n’hà da fà dinò assai : cuntemu assai annantu à ellu pà l’avvena ». Ghjuntu à l’ACA à 16 anni, Mounaïm El Idrissy sarà in lu gruppu prufiziunali fin’è 2023 ! Bravu o masciu !
